Knight and Day

Filmurin snýr seg um loyniagentin, Roy Miller (Tom Cruise), sum roynir at fullfíggja eina uppgávu, hann faktiskt ikki eigur at fullfíggja. June (Cameron Diaz) er mitt í øllum rokanum við Roy Miller øðrumegin og monnunum, sum siga, at teir eru teir ‘góðu’ hinumegin. Tað gongur upp fyri Roy og June, at tey kunnu bara stóla upp á hvønn annan fyri at yvirliva.

Cameron Diaz og Tom Cruise hava høvuðsleiklutin í hesari actión-komediufilminum. Tað er øgiliga gott filmsspæl, og tey bæði liva heilt upp til øll krøvini. Heitið á filminum er ein størri partur av filminum, enn mann kanska heldur, so har fari eg ikki at avdúka grundina til Knight and Day (Riddari og Dagur).

   Filmurin er blanding av actión, undirhaldi og kærleika. Hetta skal eitast at vera ein actión-komedia, men kortini er tað ikki tað heilt stóra av actión, vit síggja. Jú, tú sært nógv fólk verða skotin, nógvar bardagar o.s.v., men sjálvt tær álvarsamastu løturnar eru undirhaldandi. Tað er alla tíðina okkurt at flenna at! Tað er ongantíð tann stóri spenningurin í filminum. Mann veit næstan akkurát, hvat fer at henda. Alt í alt, ein undirhaldandi komediufilmur, men kortini ikki meira enn tað.

Filmurin fær 3 av 6 BB-logo